ЗПЛРМ

Записник од одржаниот состанок на ден 29.09.2011 во просториите на ФЗОМ подрачна единица Прилеп

Почитувани колеги,
еве одличен пример како треба да комуницираат Докторите и Фондот.

ЗАПИСНИК од одржаниот состанок на ден 29.09.2011 во
просториите на ФЗОМ подрачна единица ПРИЛЕП.

На состанокот од страна на ФЗОМ присуствуваа Виолета
Жежоска-Директор,Јасмина Трајкоска-Правник,Цвете Стомнароска-Финансиски
Директор.

Од страна на претставници на ПЗУ_ата,присуствуваа Д-р Нора
Димшоска-Тасеска,Д-р Златко Јаков,Д-р Емилија Ристеска,Д-р Каролина
Рикалоска,Д-р Лилјана Мрческа,Д-р Оливера Проданоска,Д-р Љубица Ацеска,Д-р
Снежана Кузманоска,Д-р Гоце Белески,Д-р Вера Кареска.

1.Добивме информација за бројот на лицата кои извршиле пререгистрација како
невработени.Од вкупно 13000 во општина Прилеп,11800 се пререгистрирале до
20.09.2011.За сите лица кои ќе се пререгистрираат заклучно со
30.09.2011,избраните лекари ќе добијат капитација.

2.Бевме исто така известени за измените во врска со изборот на матичен лекар
Гинеколог од 12 год. возраст и ни беше нагласено дека матичните Гинеколози
не смеат да наплаќаат за ЕХО прегледи и Колпоскопија по медицинска
индикација.

3.Да се советуваат пациентите на коишто им претходи некоја скапа процедура
со висока партиципација или подолгорочно болничко лекување,дека имаат
можност,преходно да се информираат за висината на партиципација која што тие
максимално можат да ја платат,како и тоа дека можат да се стекнат со решение
за ослободување до таа сума,пресметана индивидуално спрема одредени
критериуми,како покасно би се поштедиле од долгите процедури за
рефундација,потребната документација,како и за времето што ќе помине чекајќи
го повратот на средствата.Со оваа можност ќе можат да ја платат само
разликата што би ја имале до дозволената сума.

4.За придружба на дете до три годишна возраст за болничко лекување,избраниот
лекар на детето,само нагласува на упатот за потребата од придружник.

5.Рехабилитацијата е скратена на максимум 21 ден,исто така без одделен упат
за придружникот,само со нагласување на болничкиот упат дека е со придружник.

6.Добивме потврда за информацијата за врзувањето на пациентите со избраниот
лекар и доколку настани промена на ПЗУ_то,а нема прекин во
работењето,избраниот лекар си ги задржува пациентите кои го избрале.

7.Начинот на упатување останува по старо до 01.01.2012,со тоа што обрасците
на новите упати се познати и достапни за употреба и секој ќе може да работи
со нив веќе од 01.10.2011.Фондот ќе ги признава и старите упати до
31.12.2011.

Од друга страна,нашите барања и забелешки беа следните

1.Голем е проблемот со запишувањето на нови пациенти од други подрачни
служби.Иако доаѓаат со одјави од друг избран лекар,секогаш постои ризик за
неспроведување на тие одјави од страна на предходниот лекар.Директорка не
увери дека доколку некој се соочи со таков проблем,за истото да ја извести и
се ќе превземе за корегирање на тоа.

Исто така и самото пријавување на осигуреници во други подрачни служби е
проблем,со тоа што покрај списокот и ИЛ образецот,треба да доставуваме и во
електронска форма.Сугестијата беше тоа да го правиме на флопи дискети,заедно
со списокот и ИЛ обрасците по пошта.А за потврда дека пациентот е прифатен и
спроведен,можиме да добиеме од нашата подрачна служба на Фондот во
Прилеп,преку списокот на активни пациенти.

2.Образецот за микробиолошки испитувања е непознат.Сите ние се служиме со
старите лабораториски упати,некои и со специјалистички,меѓутоа тие не се
соодветни.Побаравме да се изготви образец за микробиолошко испитување и
потоа да се имплементира во софтверот на програма која секој ја користи или
да си испечатат ПЗУ_ата,по желба.

3.Упатвањето на Логопед,за нас е проблематично,бидејќи го правиме на
специјалистички упат.Меѓутоа ни беше кажано дека во другите градови
Логопедите се по Општите болници и тоа не е спорно.Нас ни претставува
проблем и тоа што потребата од посетување и работа со Логопед ја одредува
истиот тој Логопед што одлучува за таа потреба.Побаравме тоа да го прават
одделни тимови кои што ќе вклучуваат Педијатар,Педагог,Психолог и Логопед.Со
тоа би се отстранила можноста за субјективност при одлуката за потреба од
таква услуга.

4.Да се превземат поригорозни мерки за нелојална конкуренција од страна на
Лекари Специјалисти,сопственици на ПЗУ_а,како и да се сузбие праксата
болнички Лекари да практикуваат во ординации по ПЗЗ,безправно.

5.Побаравме да се организира состанок со претставници на Лекари Специјалисти
од Општата болница,претставници на Фондот и претставници на Здружението на
Приватни Лекари и Лекарската Комора,се со цел да се разјаснат меѓусебни
недоразбирања во врска со секојдневното работење.Претставниците на Фондот
дадоа согласнот за таков состанок,како и истакнаа дека од претходните средби
со Специјалистите,било изразена подготвеност од нивна страна за такви
средби.

6.Во ПЗУ_ата каде што работат повеќе од еден тим,како и во Поликлиники со
повеќе тимови,беше нагласено дека хроничните терапии,планираните
упатувања,издавањето на потврди и други не хитни состојби,задолжително е да
се услужуваат единствено од страна на Избраниот Лекар за тој пациент,како
што важи истото за боледувањата и другите превентивни цели.Додека во
ситуации на хитност,тогаш врз принципот на замена,може да се пружа
услуга,потребна спрема соодветната ситуација.

7.Поставивме прашање дали лекот LEVOTHYROXIN е на позитивна листа за деца до
14 години,бидејќи сегашниот режим на препишување бара препорака од
интернист.Побаравме да се иницира измена на режимот на препишување на лекот
LEVOTHYROXIN и други лекови за лекување на тироидна жлезда.Предложивме да се
додадат во препорака Педијатар/Спец.по Нуклеарна Медицина.