ЗПЛРМ

Новите мерки не го намалија метежот во ординациите – Нова Македонија 19.08.2011

За нови рецепти болните почесто треба да одат по извештај, а многумина да патуваат и во друг град, затоа што матичните лекари веќе не можат да го пропишуваат лекот подолго од времето определено за контрола кај специјалист. Тоа за пациентите значи шетање по ординации, нервоза и трошоци

Матичните лекари го забрзале издавањето печатени рецепти за пациентите, ама уште имаат мака со нервозни пациенти, кои треба да шетаат по специјалисти за да добијат одобрување за лекот што веќе го примаат. Матичните лекари од пред неколку месеци не можат да го пропишуваат лекот определен од специјалист подолго време од она што на специјалистичкиот извештај стои како рок за контрола на пациентот. За да добијат нови рецепти, пациентите повторно треба да одат кај специјалист, за што многумина треба да патуваат и во друг град. Тоа за нив значи шетање по ординации, нервоза и трошоци, а за лекарите – расправии по ординациите.

Специјалистите по секој преглед издаваат извештај на кој ги пишува дијагнозата, определената терапија и по колку време пациентот треба да дојде на контрола. До пред некое време матичните лекари сами определуваа колку време пациентот треба да ја прима терапијата и без разлика на времето за контрола без проблем ја пропишуваа. Но Фондот за здравство ги засили контролите, па пациентите за да добијат рецепти, мора да одат на нови контроли.

– Ако стои дека контролата е за три месеци, ние по тој рок не можеме да издадеме рецепт за лекот што го определил специјалист. Пациентите мора да научат дека мора да се почитуваат правилата и дека редовно мора да се јавуваат на контрола. Овој проблем со рецептите што одат по специјалистичка препорака создава нервоза кај пациентите и е честа причина за промена на матичниот лекар – вели матичната лекарка д-р Лидија Ристовска.

Општите лекари апелираат специјалистите реално да го запишуваат времето за контроли. Претседателката на Здружението на приватни лекари, д-р Лилија Чолакова-Дервишова, смета дека треба да се работи на промена на ставот на пациентите, кои сметаат дека еднаш пропишан лек може цел живот да се пие.

– Ни доаѓаат и со ливчиња за тоа кој лек тие сакаат да го добијат. Матичниот лекар мора да го почитува мислењето на специјалистот – вели таа.

Честото одење на специјалисти е голем проблем за пациентите од помалите градови, каде што нема таков кадар. Здружението побарало од Фондот да се променат правилата за одредени лекови, за да им олесни на пациентите.

– На пример, лекот „сулфосалазин“ за хронично воспаление на дебелото црево треба да го пропише клинички специјалист, па пациентите од Велес мора да доаѓаат до Скопје. Бараме да се олесни неговото пропишување и за тоа разговараме со Фондот – вели д-р Чолакова-Дервишова.

Од пет до десет денари за рецепт

Од Здружението на матични лекари најавуваат дека во септември ќе побараат пациентите да плаќаат по пет-десет денари за рецепт од матичниот лекар.
– Така на лекар ќе доаѓаат оние на кои навистина им е потребна помош, ќе им се олесни работата на колегите и ќе се намалат метежите – вели д-р Чолакова-Дервишова.

Автор: Наташа Бошковска-Златкова

Коментари4 коментари

doktor напиша:

на 24/08/2011 г. во 17:03 часот

Jas sum za toa deka pecatenjeto na recepti treba da se naplaka od 3-5 den po recept.
Mislam deka e ova realna cena koja bi gi zadovolila sekojdnevni troskovi okolu printeri.
Ne sum siguren no mislam deka za ova moze i samo nie da resime i da go sprovedeme pod ime “kompjuterski troskovi”.

Најави се за да одговориш
GREGO напиша:

на 24/08/2011 г. во 10:42 часот

МИСЛАМ ДЕКА НА ПРОБЛЕМОТ СЕ ГЛЕДА ЕДНОСТРАНО,КАКО МАТИЧЕН ДОБРО ГО РАЗБИРАМ ПРОБЛЕМОВ,И МОЕ ЛИЧНО МИСЛЕЊЕ Е ДЕКА НИЕ СМЕ ПРЕОПТОВАРЕНИ СО АДМИНИСТРАЦИЈА/ЗАПИШИ ВАМУ,ТЕ ЗАПИШИ ТАМУ/.ПОЧИТУВАНИ КОЛЕГИ НАШАТА ХУМАНА ДЕЈНОСТ Е КОНТАКТ СО ПАЦИЕНТОТ/ПОГРЕШНО Е ДА СЕ ТЕРА ПАЦИЕНТОТ ДА ЗЕМА РЕЦЕПТИ ЗА ХРОНИЧНА ТЕРАПИЈА НА ТРИ МЕСЕЦИ ИЛИ ПОДОЛГ ВРЕМЕНСКИ ПЕРИОД,НА ТАКОВ ВРЕМЕНСКИ ИНТЕРВАЛ ТОЈ АКО ИМА ПОТРЕБА МОЖЕ ДА СЕ КОНТРОЛИРА КАЈ СООДВЕТЕН СПЕЦИЈАЛИСТ,НО КАЈ МАТИЧЕН ЛЕКАР КОНТАКТОТ САКАЛЕ ИЛИ НЕ, МОРА ЗАШТО НИЕ СМЕ ПРВИТЕ КОИ ТРЕБА ДА ГИ ДЕТЕКТИРАМЕ НОВОНАСТАНАТИТЕ ЗДРАВСТВЕНИ ПРОБЛЕМИ ИЛИ НЕСАКАНИ ЕФЕКТИ ОД ТЕРАПИЈАТА/.ЗАТОА МИСЛАМ ДЕКА ВЕРБАТА НА НАШИТЕ ПАЦИЕНТИ КОН СВОЈОТ ЛЕКАР НЕ ТРЕБА ДА ЈА ПРЕТВАРАМЕ ВО ФОБИЈА/АКО МУ ТРОПНАМ СЕГА НА ДОКТОРОТ НА ВРАТА,И ГО ПРАШАМ,ШТО ЛИ КЕ МЕ СНАЈДЕ?/.АЈ ДА НЕ СЕ ПРАВАМ ГОЛЕМ ФИЛОЗОФ,ЗАШТО ДИРЕКТНО СЕ СООЧУВАМ СО ПРОБЛЕМИТЕ ВО АМБУЛАНТА,АМА КОЛЕГИ АЈ СЕГА ОВИЕ КЕ ГИ ГЛЕДАМ НА ТРИ МЕСЕЦИ ИЛИ НА ГОДИНА ПА КЕ СЕ” ЗГОЛЕМИ ВРЕМЕТО ЗА ПОСВЕТУВАЊЕ НА ЗДРАВ.ПРОБЛЕМИ НА ПАЦИЕНТОТ”,Е КОИ СЕ ТОГАШ ОД ТИЕ ПАЦИЕНТИ-“PACIENTI”,А КОИ ПАК НИ СЕ ТИЕ ДОСАДНИТЕ ШТО НИ СМЕТААТ.КОЛЕГИ НАШИТЕ ПРОБЛЕМИ ГИ ПРОДУЦИРА ФЗО,ПРОБЛЕМИТЕ НА НАШИТЕ ПАЦИЕНТИ ГИ ПРОДУЦИРА ФЗО,НИКОЈ ОД ТАМУ НЕ ВЛЕГОЛ ВО АМБУЛАНТА ДА РАБОТИ,ИЛИ БАРЕМ НЕ ВО ВАКВИ УСЛОВИ,ЈАС РАЗБИРАМ ДЕКА ВО ФЗО СЕ РАБОТИ ПО СТРАТЕГИЈА,НО БАРЕМ ДА ГИ НАТЕРАМЕ МАЛКУ ДА НИ ГИ ОЛЕСНАТ АДМИНИСТРАТИВНИТЕ РАБОТИ,МЕГУ КОИ И УКИНУВАЊЕ НА ЦЕЛИТЕ КАКО КАЗНЕНА МЕРКА,ТУКУ СТИМУЛАТИВНА.И УШТЕ НЕШТО КОПИРАЊЕТО НА ПОЗИТИВНИТЕ ИСКУСТВА ОД РАЗВИЕНИТЕ ЗЕМЈИ ОДИ ЗАЕДНО СО ЗДРАВСТВЕНАТА КУЛТУРА,АКО ТАА Е НИКАКВА ШТО СМЕ КОПИРАЛЕ,ПЕЧАТЕЊЕ НА РЕЦЕПТИ ЛИ?

Најави се за да одговориш
Др Александар напиша:

на 23/08/2011 г. во 23:01 часот

ВАЖНО!
Почитуван Министер за Здравство, Почитувана Директорке на ФЗОМ, Почитувана Претседателке на ЗПЛМ, Почитувани колеги

Ве молам, потребни се само ДВЕ ПРОМЕНИ во областа на примарната здравствена заштита за враќање на достоинството на лекарската професија, за воспоставување ред и отстранување на нервозите кај пациентите и матичните лекари и сестри во амбулантите, а секако овие промени ќе дадат и економска оправданост.

1. ИТНО барање до фармацевтските куќи за воведување на ПАКУВАЊА НА ЛЕКОВИ ЗА ТРОМЕСЕЧНА ХРОНИЧНА ТЕРАПИЈА како во повеќето држави во светот (бројот на таблети во пакувањата за хронична терапија да биде 100 – 200). Ова е клучната ПРОМЕНА за збогување со гужвите и нервозите во амбулантите и аптеките. Насекаде во светот пациентите го посетуваат матичниот лекар само 3 – 4 пати годишно (а не 12 или повеќе) и притоа добиваат по само еден рецепт (едно паковање) за секој хроничен лек кој им обезбедува терапија за три и повеќе месеци. На овој начин ќе се намали за две третини дневниот број на пациенти во амбулантите на ПЗЗ, за две третини ќе се намали трошокот за тонери и хартија, за две третини ќе се намали амортизацијата и трошоците за поравки на печатарите, ќе се зголеми времето за посветување на здравствените проблеми на пациентот, пациентите ќе можат да се закажуваат со точно време за посета.

2. ВОВЕДУВАЊЕ ПАРТИЦИПАЦИЈА ЗА СЕКОЈА ПОСЕТА КАЈ МАТИЧЕН ЛЕКАР ИЛИ ЗА СЕКОЈ ПРОПИШАН РЕЦЕПТ. И оваа мерка која е присутна во многу држави ќе придонесе за намалување на непотребните посети кај матичен лекар и земање на рецепти само за потребната терапија (а не „за да ми се најди за секој случај, односно за резерва“).

Овие ПРОМЕНИ треба да се воведат што поскоро за доброто на сите нас и на нашите пациенти. Не треба да измислуваме ништо ново туку треба да ги „копираме“ позитивните искуства на развиените земји.
Поздрав, Др Александар Коџасински

Најави се за да одговориш
- MATICEN напиша:
  
  на 25/08/2011 г. во 12:52 часот
  
  Мислам дека идејата на колегата за воведување на пакување за тромесечна терапија е прекрасна , и мислам дека ќе реши голем број на проблеми и трошкови со кои се среќаваме во секојдневната работа,Затоа препорачувам претседателството под најитно да го разгледа овој предлог , секако во консултација со правното лице на Здружението и да се обиде овој предлог да го излобира,да го протне кај ФЗОМ , а се во насока за наше поефикасно работење.
  Исто така ја подржувам идејата за воведување на партиципација кај матичниот, а само во насока да се намалат непотребните посети кај матичните и да се зголеми ефикасноста на нашето работење.Сепак би сакал да укажам дека е многу важно да се размислува ако оваа идеја се прифати во пракса , за модалитетите како таа би се реализирала кај матичните доктори?Имено,да ние не бидеме само собирачи на партиципацијата која потоа би ја предавале на ФЗОМ,значи и ние да би имале некоја финансиска корист во сето тоа,во оваа време на зголемени трошоци со кои се срекавама во секојдневното работење
  Поздрав,
  
  Најави се за да одговориш