Реакција од Здружението на приватните лекари – Куманово по повод нападот врз лекарот хирург
Нападот врз лекарот – хирург е неприфатлив чин и за секоја осуда истовремено. Без да навлеземе во природата на проблемот и инцидентот, пациентите и медицинскиот персонал, сепак, треба да се придржат до правилата и меѓусебната соработка.
Лекарската етика секако е водич во работата на лекарите и секое нарушување на тоа правило може да се санкционира со инструменти кои ги предвидува секоја здравствена организација и важечките закони, но не и употребата на насилство од страна на пациентите врз лекарите.
Апелираме до сите чинители и надлежни да здравствените установи во иднина бидат безбедни за работа, а лекарите, пациентите и нивните семејства да ги следат упатствата кои ги обезбедуваат здравствените установи.
ЗПЛРМ Куманово
