Работилници на МЗ – Проблеми
Почитувани колеги,
Околу работилниците на МЗ има неколку проблеми:
1.Зошто постои воопшто специјализација семејна медицина и зошто некој дозволи матичните доктори да се запишуваат на цела специјализација, која чини многу пари-кога сега истите предавања од истите професори се држат бесплатно?
2.Зошто колегите кои беа на доедукација на семејна медицина,полагаа државен испит кој е многу тежок и обемен-сега пак да го слушаат истото по трет пат?
3.Дали некој ги известил лицата од МЗ дека вакви исти едукации имаше и во далечната 1998 година – по региони?
4.Зошто некој мисли дека докторите од примарно здравство се неедуцирани? А таму има педијатри, специјалисти по школска медицина, по спортска медицина, гинеколози, специјалисти по трудова медицина, специјалисти по семејна медицин? Интелегенцијата на Македонија.
5.Зошто не е земено во предвид дека имаме колеги кои се на боледување, на породилно, пред пензија?
6.Кога ние докторите да имаме време за здраво живеење, за здрава исхрана-кога постојано работиме, читаме закони, постојано повторуваме едно исто сто пати, НАМЕСТО ДА УЧИМЕ НОВИ ВЕШТИНИ?
7.Секој треба да може да се едуцира во онаа област која го привлекува професионално.
8.Докторот мора да има време да се рехабилитира после секојдневни енормни приеми на пациенти.
9.Викендите се светост за едно семејство.
10.Примарното здравство воопшто не е проблем во здравствениот систем. Проблем е секундарно и терцијаrно, каде на секој пациент му се вели ти не си мој пациент, тој што Ве примил тој треба да Ве следи. А тој што Ве примил доаѓа дури после два дена.
ПРИМАРНОТО ЗДРАВСТВО Е СТОЛБ НА ЗДРАВСТВЕНИОТ СИСТЕМ-НАЈЦВРСТ,НАЈСТАБИЛЕН.
МЗ ТРЕБА ДА СЕ ФОКУСИРА НА ДРУГИ СИСТЕМСКИ ПРОБЛЕМИ КОИ СЕ СУШТИНСКИ ЗА ПАЦИЕНТИТЕ КОИ СЕ ДВИЖАТ ВО СЕКУНДАРНО И ТЕРЦИЈАЛНО ЗДРАВСТВО.
Со почит
ЗПЛРМ
