Парични надоместоци за нега, слепило и глувост
Почитувани колеги,
Конзилијарните мислења за остварување на права на надоместоци за нега, слепило и глувост не ги издаваат лекарските конзилиуми на општите болници, туку:
– За паричниот надоместок за нега од друго лице, конзилијарното мислење го издаваат: Клиничките болници, Градска болница 8-ми Септември Скопје, Универзитетска клиника за хируршки болести Св. Наум Охридски Скопје и Универзитетските клиники.
– За додатокот за слепило: Универзитетските клиники во Скопје
– За додатокот за глувост: Универзитетските клиники во Скопје
Тоа значи дека преку „Мој Термин“ треба да се закажуваат конзилијарни мислења преку клиниките со тоа што останува одредбата, по исклучок, освен со конзилијарно мислење, потребата и состојбата да се докажуваат и со отпусно писмо со специјалистички извештај и/или друга медицинска документација.
На следниот линк можете да го превземете скенот од документот од Законот за измена на Законот за социјална заштита Сл. Весник на РМ број 116/2014.
