КОЛАПС НА ПРИВАТНОТО ЗДРАВСТВО
Приватното здравство е во колапс, алармираат од Зружението на приватни лекари на Македонија. Околу две илјади доктори од земјава се револтирани поради зачестените новини и закони што им ги наложува Министерството за здравство, а со кои им наметнува големи давачки и неразумен начин на лекување на пациентите. Последниот шок за лекарите доаѓа откако и тие како регистрирани фирми мора да им исплатат К – 15 на нивните вработени.
Вчера до доцна вечерта Управниот одбор на Здружението заседавал и донел одлука за итна средба со министерот за здравство и преставници на Фондот. Лекарите ќе предложат државата да им исплаќа повисока капитацијта која сега е 50 денари од преглед и која не претрпела никакви промени откако е воведена во 2001 година. Во споротивно, се заканија дека ќе преземат порадикални чекори, а дел од лекарите предложиле и протест.
Велат дека ако државата не може да ги исплаќа приватните лекари кои се еден од столбовите на здравствениот систем ,тогаш нека ги следи европските трендови и преку алтернативни извори да обезбеди повисока капитација. Реагираат и на протоколот што го воведува министерот за здравство. Велат на 4000 страници е напишано како сите лекари треба да работат, но со лекови кои не постојат во земјава или на начин што не соодвествува со навиките на пациентите во земјава.
Билјана Николовска
