Известување за електронски рецепт
Почитувани,
Проектот Електронски рецепт продолжува со полн интензитет. Неговата примена е задолжителна согласно законските прописи.
Во врска со електронскиот рецепт Фондот за здравствено осигурување на Македонија Ве известува за следното:
Осигурените лица кои имаат уреден важечки хартиен рецепт за лек на товар на ФЗОМ не смеат да бидат вратени од аптеките, доколку од утре (01.08.2013 година) дојде до евентуални технички проблеми при реализација на електронски рецепт во аптеките преку web сервисот на Министерството за здравство. Аптеките задолжително, како и до сега, да го издадат уредно пропишаниот лек на важечки рецептен образец на ФЗОМ за осигурено лице согласно законските прописи. Таквите рецепти ќе бидат прифатени од ФЗОМ.
Фондот за здравствено осигурување на Македонија останува доследен на залагањата за задоволување на потребите и правата на нашите осигуреници.
Со почит,
ФЗОМ
