Појаснување во врска со работилниците организирани од страна на ЗПЛРМ
Почитувани колеги,
Заради препраќање на некои мејлови од страна на катедрата за семејна медицина и организирање на работилници на исти теми како што ги организира ЗПЛРМ оваа година, чувствувам потреба да Ви појаснам некои работи.
Сакам сите да Ве информирам за следното:
За ПРЕГОВОРИ СО ФЗОМ Е ОДГОВОРНА ЛЕКАРСКАТА КОМОРА НА РЕПУБЛИКА МАКЕДОНИЈА И НИКОЈ ДРУГ. И тоа е влезено во закон.Тоа е придобивка за сите доктори. Таа, т.е Лекарската Комора е легитимен преговарач. ФОНДОТ ЗА ЗДРАВСТВЕНО ОСИГУРУВАЊЕ НЕМА ЗА ШТО ДА СКЛУЧУВА ДОГОВОР СО МЕДИЦИНСКИОТ ФАКУЛТЕТ-кој е научна едукативна институција и нема никаква врска со матичните доктори и нашите договори.
Минатата година постоеше Меморандум за соработка со Катедрата за семejна медицина-кој моравме да го потпишеме ние како ЗПЛРМ бидејќи постоеја некои конфликт интереси помеѓу ЗПЛРМ и претходното раководство на ЛКМ. Така да, тогаш ЗПЛРМ поднесе барање до катедрата за семeјна медицина да ни помогне во нешто што ние сме го осмислиле и договориле со Фондот. Се со една единствена цел да се подигне квалитетот на работењето на матичните доктори, да се унифицира нашето работење на целата територија на РМ и да се работи по Медицина базирана на докази.
ОВАА ГОДИНА НЕ ПОСТОИ НИКАКОВ ДОГОВОР ПОМЕЃУ ЗПЛРМ, СЕМЕЈНА МЕДИЦИНА и ФЗОМ – НЕ ПОСТОИ НОВ МЕМОРАНДУМ ЗА 2013 ГОДИНА.
Во нашиот последен договор со ФЗОМ во член 17 пишува дека работилниците ги организира ЗПЛРМ. Ние како ЗПЛРМ, сме членови и на ЛКМ и за сите наши активности во целост беше известен врвот на ЛКМ, поточно Извршниот Одбор на ЛКМ. Нашиот Претседател на ЛКМ и потпретседателите на ЛКМ официјално учествуваа на прес во ФЗОМ со двајцата Директори на ФЗОМ за целиот нов договр со ФЗОМ за 2013 година.
На нашиот сајт ги имате сите информации за работилниците.Контактирајте ги нашите координатори по градови. Истите се акредитирани од ЛКМ со 11 бода за слушатели и 14 бода за предавачи. Цената на една работилница е 1200 денари.
Со почит
Претседател на ЗПЛРМ
Др Лилија Чолакова Дервишова
Коментари (1)
Zdravo na site,
Bi sakal samo da se nadovrzam na nasata pretsedatelka i da doobjasnam na pocituvanite kolegi deka ne e sporno da Medicinskiot fakultet organizira rabotilnici na istite temi so ZPLRM, imaat pravo da go pravat toa. I site kolegi lekari od PZZ, pa duri i ostanatite koi sto sakaat moze da gi posetat tie rabotilnici po sopstvena zelba. Samo sakam da dodadam da pocituvanite kolegi ne bidat zavedeni od veke spomenatite mejlovi i izvestuvanja, zatoa sto tie predavanja organizirani od med.fakultet nema da bidat priznaeni kako realizirani celi na krajot od godinata. A kolegite ke si gi dobijat bodovite za relicenciranje vo LKM.
Ovie fakti se vazni da gi znaat kolegite za da ne bidat dvojno osteteni,em ke platat poskapi rabotilnici, em celite nema da im bidat priznati kako realizirani.
Pozdrav do site