Матичните лекари бараат измени во законот
Заминувањето во пензија на матичен лекар да не значи згаснување на амбулантата.
Здружението на приватни лекари смета дека неопходни се измени во законот за здравствена заштита. Тој сега предвидува затворање на ординацијата ако концесионерот замине во пензија или на работа во странство.
Во еснафското здружение сметаат дека измените се неопходни оти со нив ќе се подобри здравствената заштита на пациентите. Тие ќе гарантираат и сигурност за лекарите кои вложуваат во отворање приватна амбуланта.
Во здружението на приватни лекари бараат еднакви можности и со лекарите кои се концесионери во здравствените домови.
Сите овие предлози, приватните лекари ќе ги достават до владата и министерството за здравство.
Зоран Јаневски
