ВИДЕО | Д-р Чолакова Дервишова: Имаме здравствен систем со неограничен број на услуги при ограничени средства
Матичните лекари се закануваат со штрајк и со затворање на ординациите ако не им бидат исполнети барањата што ќе му ги достават на новиот директор на Фондот за здравствено осигурување, а се однесуваат на, како што велат, лошиот третман од државата во целиот тек на пандемијата.
Додаваат дека се огорчени поради големиот број казни за административни пропусти што ги добиле од ФЗОМ пред новогодишните празници.
Според претседателката на Асоцијацијата на приватни матични лекари, доктор Лилија Чолакова Дервишова, многу пати се има реагирано и преку протести кога Фондот и тогашното раководство донеле мораториум за казнена политика.
-Ние баравме таквите правилници кои што се нелогични да се запрат, да се променат, да одиме напред, да се зголеми бројот на примарни доктори, но ништо не се реши. Едноставно не се работи. Месечно да поместувавме по едно наше суштинско барање за опстанокот на матичните доктори, некој малку да се секираше до сега ќе поместевме барем 10 суштински нешта, вели претседателката на здружението на матични лекари.
-За да следите здравствена политика и да ги следите сите тие правила на Фондот е многу обемна работа и не се учи за три дена. Во 2019 немавме корона на нашиот терен. Во медицината никаде не пишува кој лек кој треба да го препише, децидна е д-р Лилија Дервишова Чолакова.
Целиот разговор погледнете го во видеото:
