Барања за преговори со Фондот
Во овој период секогаш се планирал буџетот на државата. Но за здравство најмалку се двои.
Дали оваа година ќе има преговори меѓу давателите на здравствени услуги – докторите и медицинските сестри од примарното здравство од една страна и фондот за здравство од друга страна- прашање е сега ???
Во време на пандемија, примарното здравство не доби никаква финансиска поддршка а се оптовари со печатење на илјадници страни серификати за ковид, тони хартија, тонери, принтери, потврди дали е некој позитивен или негативен, печатење по три листа за секој пациент кој добил решение за боледување од фондовска комисија. Телефонски сметки заради анкетирање на корона пациенти…Маски, дезифициенси и се друго.
Барања за опстанок на примарното здравство
1. Бенефициран стаж за сите медицински сестри и доктори во примарно здравство во време на пандемија
2.Капитационен бод да оди на 90 денари,бидејќи се е поскапено и поскапуваат горивата секој ден,храна и струјата индустриска ќе поскапи а нас на примарците ни се наплаќа индустриска струја.
3.Да се дадат средства за вработување на администратор на цело работно време- бидејќи не сме во можност и да работиме и да се јавуваме на телефон цело време
4. Да се опремат примарните доктори со ехо, доплери и апарати и брзо да се доаѓа до дијагноза – се потешко има термини за ехо прегледи…Касно се откриваат карциноми и метастази…
5. Казни да нема, да се разговара за стимулации и награди и рано детектирани малигнитети на дојка,дебело црево,дијабети.
За да имаме здрав народ,државата мора да вложува во здравството!!!
Со почит,
Др. Лилија Чолакова-Дервишова
Претседател на ЗПЛРМ
