Палијативна нега
Почитувана Др. Лилија,
Сакам да Ве известам дека упатувањето до Палијативна амбуланта во Специјализирана болница за геријатриска и палијативна медицина “13 Ноември“ преку Мој Термин, кое досега беше само од страна на лекари специјалисти, во наредниов период ќе биде достапно за сите матични и семејни лекари, за закажување на преглед на пациенти со дијагноза Ц (малигна болест).
Исто така, во склоп на Специјализирана болница за геријатриска и палијативна медицина “13 Ноември“, започна повторно да функционира Службата за палијативна грижа во домашни услови (доктор и сестра) за хорнично болни пациенти, како и за пациенти со малигна болест.
Закажувањето се врши на тел: 075 498 091 (Др. Моника Лукровска) на кој семејството на пациентот или самиот пациент се јавува и ги добива потребните информации. Се надеваме дека со проширување на овие услуги ќе им помогнеме на голем број пациенти кои се во палијативен стадиум од болеста и на кои им е потребен соодветен третман. За стручни настани кои ги организираме, ќе Ве известуваме на мејл.
Исто така, би сакале Вие и колегите од Вашето здружение да бидете членови на нашето здружение за палијативна грижа. Можете да ме побарате на тел: 075 498 068.
Со почит,
Др. Сци. Лидија Ветеровска Миљковиќ, специјалист по интерна медицина
Претседател на Здружение за палијативна грижа
