Ковид бројките во пораст, ситуацијата загрижувачка

Критично станува и со болничките капацитети..

Во Скопје нема слободен термин за тестирање, ама има за пет дена, а иако си во изолација, ќе треба да одиш до Тетово.

Ова е само еден од одговорите на матичните лекари до пациенти што имаат симтоми на корона, а според алгоритамот треба да се тестираат. Од немај-каде, граѓаните плаќаат најмалку педесетина евра за корона тест во приватна лабораторија. Д-р Чолакова-Дервишова, вели дека има и пациенти што немаат симтоми, но поради паника, итаат кон лабораториите, и плаќаат илјадници денари за тестирања.

-Термини нема за веднаш. Имав еден случај, по симтоми му објаснив дека најверојатно е позитивен, но бидејќи нема термини, ќе дадеме терапија. Тој откако веќе добро се чувстувал успеа да се тестира, искочи позитивен, но немал веќе температура,истакна Лилија Чолакова-Дервишова – Претседател на здружението на матични лекари

-Имам пример, цела фамилија, и возрасни и деца, 38.000 денари имаат дадено во еден миг за тестирање, дпополни Лилија Чолакова-Дервишова – Претседател на здружението на матични лекари.

Од сите досега тестирани, над 226.612, околу 106.000, или 47%, тестот го направиле плаќајќи од свој џеб, во приватна лабораторија. Па, доколку се направи груба пресметка, земајки најниска цена на тест од 3.000 денари, граѓаните по приватни лаборатории оставиле најмалку 5 милиони и 200 илјади евра. А колку поточно „се офајдиле” приватниците не се знае, оти ниту еден од нив не ја објавува набавната цена на тестот.

Во вестите ја вклучуваме Тамара Стојкова.