Специјалистите неподготвени за новите упати – Нова Македонија 04.01.2012
Првиот работен ден од годинава за лекарите и за медицинскиот персонал во јавните здравствени установи не беше релаксиран колку што очекуваа, зашто голем дел пациенти новата година ја почнаа со шетање од установа до установа
Иако имаа три месеци за да почнат да ги употребуваат новите упати, голем дел специјалисти дури вчера почнаа да ги печатат, зашто Фондот повеќе нема да ги толерира оние што издаваат стари. Така, дел пациенти што добиле стар упат во декември сега ќе мора да го сменат. За некои пациенти и вчера почнало малтретирањето, зашто лекарот кај кого отишле ги немал новите обрасци.
Фондот за здравство ги воведе новите упати уште во почетокот на октомври, а од годинава тие се задолжителни, што значи дека нема да ги признава услугите извршени од лекари што примиле пациент со стар упат.
Д-р Лилија Чолакова-Дервишова, претседателка на Здружението на приватни лекари, вели дека матичните лекари навреме почнале да даваат нови упати, но и дека првиот работен ден од годинава се јавил проблем со специјалисти.
– Во Здравствениот дом во Делчево специјалист воопшто не ги добил новите обрасци, па кога матичен лекар испратил пациент кај него, специјалистот не можел да го препрати на снимање со магнетна резонанса. Матичниот лекар реагираше кај нас. Тој мораше да го препрати болниот на ортопед-специјалист во Скопје, а овој да му даде упат за снимањето. Има разлика од приватните лекари што навреме ги воведуваат новините до оние во јавното здравство – вели Чолакова-Дервишова.
И во Здравствениот дом во Скопје во петокот ги немаа новите упати. Вчера биле обезбедени за сите. Од оваа установа велат дека нема да ги враќаат пациентите што ќе побараат услуга со стар упат, решавајќи го тоа меѓу себе и администрацијата, без да се малтретира пациентот.
Но тоа нема да важи за пациентите на клиниките што добиле стар упат. И таму дури вчера се печатеа новите обрасци. Така, ако во текот на декември клинички специјалист издал стар упат за испитување или за снимање пациент, а болниот почекал до годинава да го направи испитувањето, ќе треба да си го промени и упатот.
На Клиниката за радиологија вчера имале случај на пациент со стар упат.
– Не го вративме пациентот. Ако се повтори, тој ќе ја добие услугата, но потоа ќе донесе соодветен упат кога ќе го зема резултатот – вели Гоце Велјановски, директор на оваа установа.
Проф. д-р Ангел Митревски, директор на Клиничка биохемија, објаснува дека вчера немале големи метежи и не можеле да увидат како се движат работите со упатувањето, но објаснува дека и тие нема да примаат стари несоодветни упати.
Со оглед на тоа што голем дел специјалисти упорно не ги воведуваа новите упати, за да не трпат пациентите, од Фондот за здравство пред истекот на минатата година им одржуваа обуки на директорите на установите за тоа како да се употребуваат новите обрасци. Бранко Аџигогов, портпарол на Фондот за здравство, вели дека здравствените установи сега фактурираат за декември и потоа ќе им ја испратат документацијата, па ќе видат кој најмногу грешел во овој месец. За декември, додаваат, нема да прават проблем ако биле издавани и примани стари упати.
Автор: Наташа Бошковска-Златкова
Коментари17 коментари
Во ФЗО на рм е вкоренето размислувањето да здравениот ситем мора да ги почитува често пати и нелогитничните нивни замлисли кои ги менуваат некојпати и во рок од 24 часа .Тоа е неодговорно И треба да се корегира
Dr. ???????????????
Кажи што ти е идејата !
Драги колеги .
Ми се случува ,клиника да не ги признава упатите од дежурна служба,ноке или викенд ,ке ги прегледаат и бараат упат од маичен доктор. Мислам дека не е исправно, треба да се признаат и нивните упати. Воедно мислам дека проблемот со упати настана поради непознание од терцијарно здравство , кои сеуште не даваат потврда за прием, многу од докторите закажувањата им ги пишуваат на обични ливчиња, или им кажува усно ,заради што често доаѓаме во непријатни ситуации со пациентите. Можеби за колегите од терциерно здравство ова не им е битно , со оглед на нивната одговорна мадицинска работа, но некои правила мора да се почитуваат. ова е диктирано од министерство и фонд. Со голема почит кон сите колеги и СРЕКНА НОВА ГОДИНА.
Проблемот со внесувањето на нови пациенти се случува и кај нас во во пордачната во Прилеп.Овој месец од 15 нови пациети одма се внесоа само 5. На другите 10 или им беше грешен матичнот број или наводно нема осигурање(а книшишките им се преправени со ново осигуруање) ама датите не се совпаѓале.ми се случи и серискиот број на ил овразецот да биде дупликат со некој друг ил образец во Македонија. Изгубив два дена да ги корегирам грешките шетајки од еден шалтер до друг шалтер во фондот јавување по пациентите.Ова морав да го средам затоа што имав издадено упати .И Што е најжалосно ова се случува кај сите лекар .
Vo stipskata”klinika” specijalistite i sestrite ne znaat da go sproveduvaat noviot nacin na upatuvawe, a direktorkata bese tri pati opomenuvana od rakovoditelot na Fondot, ama nisto..
Да расчистиме ЗОШТО НЕ НЕ БРАНИ ЛКМ:
Професор Борозанов-претседателот на ЛКМ, за жал морам да го именувам, насекаде (значи и пред оние кои не треба) зборува дека матичните доктори премногу заработуваат.
Доволна ви е таа информација.
Deneska mi se vracaat pacienti od kaj specijalisti,nepregledani,od pricina stona spec.upat vo gorniot desen agol nemalo oznaka FZOM-nevidena glupost.Se prasuvam sto treba da ni napravi Fondot,a nie da ne , bideme pasivni,a nie da molcime,ne protestirame,ne tuzime itn.Mi e sram sto sum doktor.Kade e nikakvata Lekarska komora da ne zastiti?Kade e reakcijata na UO na zdruzenieto?Cii interesi stitat?Ne moze da razberam kakpo od istata zdravstvena kasa da ima pari za plata na vrabotenite vo Fondot i M.Z. za dekemvri,a za nas da nema ni pari za juli,avgust….(celi),kako da sme im teret,kako da lekuvame francuzi,spanci, a ne nasi sogragjani?Zosto da se raduvame na najavenata 100%isplata za april koga istite mozebi ce ni gi isplatat vo noemvri ili dekemvri 2012god?Sramota za site nas
ne znam kolega ama i jas istoto se prasuvam,imame li kicma maticnite doktori ili sme stanale mekotelinja.
ne razbiram sto uste treba za da ovaa fela podigne glas i izleze na protesti,odbie potpisuvanje na degradiracki dogovori so FZOM,odbie da uplatuva sredstva na LKM koja nikade ja nema da izleze vo odbrana,da pokrene tuzba protiv FZOM za nepocituvanje na dogovor.
dajte da se sobereme na sobranie kade site ke potpiseme ovlastuvanje za tuzba,da potpiseme ferman so koj site nie odbivame ponatamu da rabotime so FZOM bez pokacuvanje na bodot,zgolemuvanje na participacijata i utvrduvanje na primaren paket.
pozdrav do site,samo zdruzno i so krenata glava moze da se izborime za nasite prava
Mili kolegi,
Kako opstanuvate so neplakanjevo od FZOM? Smetkite kako si gi plakate? Vi isklucuvaat li i vam telefoni i slicno? A fakturite za potroseniot medicinski materijal kako gi plakate??? Ve molam kazete ja umetnosta na vaseto prezivuvanje?! Pozdrav.
А кога ке ни пуштат пари за цели и капитација за октомври?
Ако има некој информација нека каже.
Поздрав
Slednata nedela ke ima i i celi i kapitacija.Potvrdeno od Fondot.
bidejki nema otvoreno tema okolu PRIJAVI/ODJAVI na pacienti ke se obratam od tuka do rakovodstvoto i site kolegi.
denes 09.01.2012 povtorno mi se sluci istoto pri prijavuvanje na pacienti sto se slucuva otkako e voveden noviot sistem.
od 57 novi prijavi prifateni se samo 6 ,a za ostanatite dobiv spisok na koj ne pisuva kaj kogo se vodat i koj ne gi odjavil.
dali i vie go imate istiot problem i kako se spravuvate so nego.
osven sto ne moze covek da si izbere maticen lekar i so meseci da trca po vrati,i nie si imame problem.
za ovie 6-7 meseci veke tret pat mi se slucuva da izdadam boleduvanje na lice koe potoa ne moze so meseci da sredi da se prefrli kaj mene.
a edniot slucaj bese uste potragicen sto dobi i komisisko boleduvanje,pa ne mu go uvazija na rabota i covekot za malku da si ja izgubi rabotata.
uste ednas ke pobaram sovet od vasa strana.
vi blagodaram.
kolega efkoski,
i jas go imam istiot problem,nikakvo objasnuvanje od FZOM.
se potesko stanuva da se prijavi nov pacient,a sekoj mesec mi kratat pacienti bez da dobijam izvestuvanje kolku,kako ili zosto se odjaveni.
za da popolnuvame obrazci za penzioneri tuka bevme,za dezurstva koga tyrebame tuka sme,a za nas nikoj nikogas.
ne znam kako ke se sredi so prijavuvanjevo,stvarno ne mi e jasno zosto nikoj ne reagira.
kolegi, zarem ne vi kazuva intuicijata deka nesto slicno ni se podgotvuva kako na ruralnite kolegi? Postapna eliminacija? Postepeno namaluvanje na kapitacijata, se nesto fali, dodeka samite ne se otkazeme od biznisite! Poradi bankrot, se razbira!
se soglasuvam so kolegata Daut, pocnavme da funkcionirame samo so naredbi i da gubime vreme i nervi vo ispolnuvanje na novi navidum revolucionerni izmeni. Sustinata,odnosno podobruvanje na lekuvanje na pacijentot ostanuva zanemarena.
Ovie promeni so novite upatuvanje, se uste eden od “biserite” na FZOM i na nivnite mali doktorcinja sto rabotat vo Fondot, za da se poigruvaat kako sakat so nas doktorite, bilo specijalisti, bilo maticni lekar i dr. Prvo promenite gi krsat pravata na pacientite da dobijat kvalitetna sekundarna i tercijarna zdravstvena zastita. Vtoro -gi preopteretuvaat specijalistite koi sega stanuvaat maticni lekari i mesto da se zanimavaat so strucnata I profesionalnata rabota, treba samo da prepisuvaat “upati”!!Prasuvame-na koj pacient qe mu “zabrani” specijalistot da ne se lekuva vo Bolnica ili pak vo “famoznite” Kliniki. Treto- se kosi so baranjata na Fondot, da 80% od slucajevite da se resat kaj maticniot lekar.
Sto qe bide so specijalistite po Familjarna medicina koi se vo isto vreme i maticni lekari-dali tie treba da “barat dozvola ” od drug specijalist za da upati eden pacient vo bolnica?!!?
So ovie promeni samo se maltretiraat i pacientite i doktorite!!
Во ФЗО на РМ е вкоренето размислувањето да здравствениот ситем мора да ги почитува често пати и нелогичните нивни замисли кои ги менуваат некојпат и во рок од 24 часа. Тоа е неодговорно и треба да се корегира моноплот на ФЗО. Каде владее монополот нема шанса за напредок и подобрување на нештата.